Փափաքելով ազատագրուիլ Գորոնա ժահրին մեզի պարտադրած արգելափակումի տրամադրութիւններէն, Գահիրէի ՀՄԸՄ ՆՈՒՊԱՐի վարչութեան նախաձեռնութեամբ, երէց տղոց եւ աղջիկներու պասքէթ-պօլի խումբերը Աղեքսանդրիա այցելեցին, երկու օրուան յայտագրով, բարեկամական մրցումներ խաղալու Աղեքսանդրիոյ ՀՄԸՄ ՆՈՒՊԱՐի եւ ՀՄԸՄ Կամքի խումբերուն հետ։
Ուրբաթ, 17 Սեպտեմբեր 2021–ի մրցումը տեղի ունեցաւ Աղեքսանդրիոյ ՀՄԸՄ ՆՈՒՊԱՐի մէջ, ուր քոյր միութիւններու տղոց խումբերը մրցեցան իրարու հետ: Յաղթական հանդիսացաւ Գահիրէի խումբը, 97-50 արդիւնքով։
Շաբաթ, 17 Սեպտեմբեր 2021–ի մրցումները տեղի ունեցան ՀՄԸՄ Կամքի դաշտին վրայ ։
Գահիրէի ՀՄԸՄ ՆՈՒՊԱՐի եւ ՀՄԸՄ Կամքի երէց աղջիկներուն միջեւ մրցումը վերջացաւ ի նպաստ Գահիրէի խումբին, 37-18 արդիւնքով։
Գահիրէի երէց տղաքը մրցեցան Կամքի տղոց հետ ու մրցումը աւարտեցաւ ի նպաստ իրենց, 64-31 արդիւնքով։
Photos from Roupen Terzibashian
