Գաղութային լուրեր: Չարլի Չափլին 130

June 15, 2019

Կոկանեան Սրահի Մշակութային Յանձնախումբը խիստ գովելի նախաձեռնութեամբ մը, 2019 թուականի հայ մշակոյթի գործիչներու յոբելենականները տօնախմբելու կողքին, մտածեր էր նաեւ յիշել եւ յարգանքի տուրք մատուցել միջազգային համբաւի տիրացած անունի մըն ալ՝ Չարլի Չափլինին, որուն ծննդեան 130-րդ ամեակն է այս տարի:

Շաբաթ, 15 Յունիս 2019-ին, Կոկանեան Սրահէն ներս տեղի ունեցաւ դասախօսական երեկոյ մը, նուիրուած աշխարհահռչակ կատակերգակին, վեր առնելով անոր կեանքն ու գործունէութիւնը սպառիչ մանրամասնութիւններով, զորս ներկայացուց գաղութիս արդէն ծանօթ անուններէն տիկին Սեւան Սեմերճեան:

Երկու ժամ տեւած այս երեկոն համեմուած էր Չափլինի ամենէն նշանաւոր ֆիլմերէն առնուած պատառիկներով, լուսանկարներով եւ դոկտ. Արթօ Պըլըքտանեանի եւ ճարտարապետուհի տիկին Սաթօ Աբգարեանի խօսքերով:

Դոկտ. Պըլըքտանեան ներկայացուց ֆիլմերու մանրամասնութիւնները, իսկ տիկին Աբգարեան ներկայացուց Չափլինի ունեցած դերը Near East Relief Fund-ի հիմնադրութեան մէջ, օգնութիւն փութացնելու համար Համաշխարհային Առաջին պատերազմի ընթացքին թրքական ջարդերէն խորապէս տառապող հայ եւ յոյն որբերուն:

Իրապէս գովելի ձեռնարկ մը, որ հակառակ երկար ըլլալուն հաճելի էր եւ կարեւոր մանրամասնութիւններ կը փոխանցէր միջազգային դէմք-երեւոյթի մը՝ Չափլինի մասին, որուն անունը որքան ծանօթ է, կեանքն ու գործերը նոյնքան անծանօթ կը մնան շատերու համար:

Գնահատանք Կոկանեան Սրահի Մշակութային Յանձնախումբի երիտասարդ եւ ժրաջան անդամներուն, որոնց կազմակերպած ձեռնարկները միշտ ալ հաճելի են եւ օգտակար:

READ MORE

Գաղութային լուրեր: ԿՈՄԻՏԱՍ 150

June 14, 2019
READ MORE

«Չարի Վերջը» / “Evil’s Fate”

May 25, 2019
READ MORE

Եգիպտոսի ՀԲԸՄ-ի ‹‹ Ե.Ա ››ներու Միջոցառում , համայնք եւ ինքնութիւն / AGBU Egypt’s YPs’ event: Community and Identity

May 12, 2019
READ MORE

Գահիրէի ՀԲԸՄ-ը կը գումարէ իր Տարեկան Ընդհանուր Ժողովը / AGBU Cairo’s annual general assembly

May 8, 2019