Այս տարի եւս ունեցանք եգիպտական երեկոյ մը, ինչպէս սովորութիւն դարձած է ամէն տարի, Րամատանը որպէս առիթ օգտագործելով վայելել տեղական ճաշատեսակները, արաբական երաժշտութիւնն ու հաճելի մթնոլորտը: Երեկոն կազմակերպուած էր ՀՄԸՄ ՆՈՒՊԱՐի վարչութեան կողմէ:
ՀՄԸՄ ՆՈՒՊԱՐի պարտէզներուն մէջ, հակառակ բարձր ջերմաստիճանին, յուլօրէն նստած թիկնաթոռներուն, վայելելով երբեմն-երբեմն փչող զեփիւռը, որ օրհնութիւն կը թուէր, ներկաները մինչեւ գիշերուան ուշ ժամերը մնացին ծառերուն տակ, տրուելով բարեկամներու ստեղծած ջերմ մթնոլորտին եւ հաճելի զրոյցին:
