Երեքշաբթի, 15 Փետրուար 2022-ին ընդունեցինք այցելութիւնը Thomas Simsarian Dolan-ի, որ եկած էր օգտուելու համար ՀԲԸՄի արխիւէն, իր post-doc աշխատասիրութեան համար՝ հեղինակութիւն մը “Unusual Figures, race, empire and unseeing the global Middle East, in the 20th century” խորագրով: Այս գիրքին մէջ հեղինակը պիտի անդրադառնայ կարեւոր չորս դէմքերու, որոնցմէ մէկը Գալուստ Կիւլպէնկեանն է եւ որուն մասին տեղեկութիւններ փոխանցուեցան իրեն:
Թոմաս Ս. Տոլան (PhD) մասնագէտ է Ամերիկեան Պատմութեան եւ Գահիրէ եկած է դասաւանդելու համար Գահիրէի Ամերիկեան համալսարանին մէջ, մինչեւ Օգոստոս 2022:
