Շաբաթ, 14 Ապրիլ 2018-ին, Կոկանեան սրահէն ներս եւ անոր վարչութեան կազմակերպութեամբ, Թէքէեանի ծննդեան 140 ամեակը ոգեկոչող դասախօսութիւն մը տեղի ունեցաւ, որուն կը նախորդէր եւ կը յաջորդէր երիտասարդներու ասմունքն ու երգը:
Այս դասախօսութեան համար հրաւիրուած էր թէքէեանագէտ դոկտ. Վաչէ Ղազարեան, որ ոչ միայն մասնագիտացած է «հնչեակի իշխան»ի կեանքին ու գործին մէջ, այլ եւ եղած է խմբագիրը անոր նուիրուած հատորներու՝ քերթուածներ, նամականի եւ այլն:
Լուսածին Ղազէլեան, Քարէն Տրդատեան, Ռուպինա Սաատ եւ Ռուբէն Սաատ իրենց ասմունքով ուրախացուցին ներկաները, իսկ օր. Երան Զէյթունցեան (հայերէնաւանդ դասատու ԳՆԱՎի) հմայեց ներկաները «Ահաւոր բան մը այնտեղ» քերուածին մեկնաբանութեամբ:
Հանդիսութիւնը կը վարէր տիկին Լալա Շամամեան-Նիկոլեան:
Վարձքը կատար բոլորին՝ կազմակերպիչներուն, ելոյթ ունեցողներուն եւ ներկաներուն: Իսկ դասախօսին ձայնը անսպառ եւ գրիչը միշտ դալար մնան կ’ըսենք: Մ.Ե .
