ԱՐՑԱԽԻ ՊԱՏՄԱԿԱՆՆ ՈՒ ԱՅՍՕՐԸ

October 10, 2020

Գահիրէի ՀԲԸՄի Երիտասարդ Մասնագէտներու (ԵՄ) խմբակը (AGBU YP Egypt) հանդիպում մը կազմակերպած էր Ուրբաթ, 9 Հոկտեմբերի երեկոյեան, ՀՄԸՄ ՆՈՒՊԱՐ մարզական ակումբին մէջ, մասնաւորաբար երիտասարդ սերունդին ներկայացնելու համար Արցախի պատմութիւնն ու այսօրուան պատերազմական իրավիճակը:

Այս ձեռնարկին համար յատկապէս հրաւիրուած էր ՀՀ Եգոպտոսի հիւպատոս տիար Ռաֆայէլ Մովսիսեանը:

Ձեռնարկին բացումը բարի գալուստի խօսքով կատարեց Ասփէ Ճիզմէճեան եւ հրաւիրեց ներկաները մէկ վայրկեան յոտնկայս մնալու, յարգելու համար մեր նորօրեայ նահատակները, որոնք իրենց մատղաշ արիւնը անսակարկօրէն կը նուիրաբերեն մեր հայրենիքի պաշտպանութեան եւ մեր ազատ ապրելու իրաւունքին համար:

Ապա յաջորդաբար խօսեցան Սարօ Պլըքտանեան, ԱրթօՊլըքտանեան եւ Մարինա Սիմոնեան, ներկայացնելով Արցախի պատմութեան տարբեր հանգրուանները, սկսելով 331 Քա., հասնելու համար մինչեւ Արցախի այսօրուան գոյամարտը:

Ապա հրաւիրուեցաւ տիար Ռաֆայէլ Մովսիսեան, որ իր խօսքը երեք գլխաւոր մասերու բաժնած էր.

Ա. Արցախեան պատերազմին պատճառները.

Բ. Արցախի ներկայ իրավիճակը.

Գ. Արցախի կարեւորութիւնը ամբողջ հայութեան ու մանաւանդ մեր հայրենիքին համար:

Ձեռնարկը վերջ գտաւ Տ. Դերենիկ Աբեղայի խօսքով, որուն եռանդն ու անսասան հաւատքը մեր արդար իրաւունքին համար մղուած պայքարին եւ յաղթանակին հանդէպ վարակեցին ամբողջ ներկաները:

Ձեռնարկէն ետք բացուած փոքրիկ պազարը, որ կազմակերպուած էր ԵՄ-ուն ջանքերով, իր ամբողջ հասոյթը տրամադրած էր հիմնադրամին: Իսկ հասոյթը իրապէս աննախադէպ էր՝ ընդհանուր 55 000 ԵՈ (3500 տոլար):

Յոյժ կարեւոր եւ լուսաբանող ձեռնարկ մը, որուն համար կը շնորհաւորենք կազմակերպիչները, նորանոր յաջողութիւններ կը մաղթենք եւ կը սպասենք իրենց յաջորդ ձեռնարկներուն:

Click here for photo album

READ MORE

Հայաստան-Սփիւռք Համահայկական Ա. Համաժողով

August 12, 2020
READ MORE

Completion of the project “The Armenian question in the Arab Press 1876-1923”/ «Հայկական հարցը արաբական մամուլին մէջ 1876-1923» Ծրագրի ամբողջացում

August 6, 2020
READ MORE

Նոր Հրատարակութիւն: «ՓԱՇԱՆ»

May 31, 2020
READ MORE

اصدار رواية الباشا للكاتب الروائي سمير زكي

May 31, 2020